Galatians 1

1Paolo, amédɔdɔa (mu nyi agbetɔ ɖekpe ye ca mù,alo to agbetɔ ɖekpe ji ca mù yé mù va nyi amedɔdɔ oo,vɔ bohua, to Yesu Kristo kudo Mawu Ata, ke fɔ so amekukuwo domea ji), 2eye kudo nɔvi kewo le kudom, ŋlɔ xoma kea na mi,mawu be habɔdɔwo kewo le Galatia;

3Maje kudo fafa ne nɔ kumi,so Mawu Ata ku Tohonɔ Jesu kristo gbɔ. 4Ke sɔ yeɖokue na ɖo miabe evuɛwo ta,ne bea xɔ mi so egbe be xixe vuɛɖi keame.Ekea nyi Mawu miatɔ be jro, 5Woa na gogo Mawu kaka sɔyi.Amen.

6E wɔ ŋda na mù ŋtɔ be mitrɔ kabaa ɖoɖa aŋɛnyuɛ bu gbɔ,to Kristo Jesu be maje kewo sɔ yɔ mia. 7Voa aŋɛnyuɛa bu ɖekpekpe ɖe mu le wo,bohua amebuwue le gble eto na mi. Eye wo jro be yewoa trɔ Kristo be aŋɛnyuɛa ɖo bu.

8Vɔa miawo alo Mawu be atikplɔtɔ ɖe so jinkusi va do aŋɛnyuɛ ɖe tovo na eke mi dona mi xoxoa,helu naɛ. 9Enya ke mu gblɔ sa eye ke mu gbale gblɔ nami be ne amebu do aŋɛnyuɛ ke tovo na kea,Helu nɛ.” 10Vɔa fifia ɖe muji be ma je amegbetɔ nu loo,alo Mawu nua? Ne mu je amegbetɔwo nua,nye mu gba nyi kristo be sumɔviwo.

11Nɔviwo mu le jibe mia nyɛ be aŋɛnyuɛ ke mu do na mia,mu nyi agbetɔwo gbɔ be so. 12Nye mu xɔ so agbetɔ gbɔwo,eye mu so susu nye meo,voa bohu Kristo Yesu ye de fiɔmu.

13Mi sé aleké mù nɔ sa le yudaviwo be agbe nɔnɔme,mù ti Mawu be habɔbɔa yome veveɖe eye mu je agbagba be ma crɔ habɔbɔa. 14Mu yi ŋkɔ le juwo be sɛame wu tɔnye yudavi sugbɔwo.Mu puna du ɖo etɔ nyewo be kɔdo wu ŋti wu.

15Vɔa ke eje ŋme ne Mawu ke ca mù daɖɛ,so kaka enɔnye be adɔme,eye ke ye wo yɔm to yebe maje ji 16ne bea de yebe via fiɔ le nye me,ne ma do yebe aŋɛnyuɛ’a le amekewo mu nyi yudaviwo’a dome.ke ekea jɔa nye mu biɔ amede be ne ɖo aɖaŋu na mu’o, 17nye mu yi jerusalem be ne ma sɔ ɖokue nye fiɔ apɔstolowo kewo jɛŋkɔ na mu’o.Voa bohua, mu yi Arabia zedeka mu trɔgbɔ va Damasko.

18Epe etɔ yomea gbɔxue mu yi jerusalem be makpɔ Kefas,eye mu nɔ egbɔ ŋkeke woeatɔ. 19Voa nye mu kpɔ ameɖɔɖɔ buwo dometɔ ɖekpe ,tovo na Yakobo Tohonɔ be nɔvi nusua’o 20. Mi kpɔ, nuke mu ŋlɔ ɖoɖa mi,le Mawu be ŋkume nye mu le ɖa aje oo.

21Eyomea mu yi Siria ku Kilikia be agowo ji. 22Voa Kristo be habɔbɔ kewo le yudawo mu jesi mu kpɔ’o, 23Voa dekpo wo se be,”ameke ti mia yome saa, va le gblɔ xɔse ke ŋuti wo ci te ɖo saa be yewa gba’ɛ,” eye wo na gogo Mawu ɖo ŋuti nye.

24